Kreu i Partisë së Lirisë, Ilir Meta rreth dy javë më parë denoncoi në Policinë e Tiranës, se në selinë e forcës politike që ai drejton ishte grabitur një “hard disk” me pamje të kamerave të sigurisë.
Gazetari Mariglen Kume, duke folu në Mcn Tv, në lidhje me këtë rast deklaroi se Meta pretendon se hard disku është grabitur nga njerëz të brendshëm në seli, pasi aty nuk hynin anëtarë të thjeshtë.
“Unë kam dëgjuar thashetheme politike që Meta akuzon njerëz brenda selisë së partisë. Te selia nuk shkon një anëtar i thjeshtë. Unë di që z.Meta ka qenë në një aktivitet dhe ishte koha që do dilte në transmetim live. Ai aktivitet nuk doli Live, bëri atë hulumtimet e tij, dhe nxori pretendimet që është dezertuar nga brenda” – tha Kume.
Ndërkohë, nënkryetari i Partisë së Lirisë Endrit Braimllari e mohoi këtë gjë, pasi sipas tij, nëse do të ishte kështu, denoncimi do të bëhej me emër dhe mbiemër.
“Kallëzimi është bërë publik. Pse nuk ndodhi në 18 vite? Janë gjëra që t’i vendosë Prokuroria. Po të ishte kallëzimi për njerëzit e brendshëm do ishte me emër. Kallëzimi s’ka emër. Apeloj një hetim të thelluar, sa më shpejt.” – tha Brahimllari
