Elon Musk ka njoftuar përmes një postimi në platformën X, se sateliti Starlink tashmë përfshinë edhe vendin tonë, Shqipërinë.
Starlink është plejada e parë dhe më e madhe satelitore në botë që përdor një orbitë të ulët të Tokës për të ofruar internet me brez të gjerë të aftë për të mbështetur transmetimin, lojërat në internet, video thirrjet dhe më shumë
Duke shfrytëzuar satelitët e avancuar dhe harduerin e përdoruesit të shoqëruar me përvojën e thellë si me anijen kozmike ashtu edhe me operacionet në orbitë, Starlink ofron internet me shpejtësi të lartë dhe me vonesë të ulët për përdoruesit në të gjithë botën.
Kjo shërbim inovativ ofron një mundësi të re për qytetarët shqiptarë për të përmirësuar aksesin e tyre në internet, sidomos në zonat rurale dhe të largëta.
Paneli i Starlink, i cili vendoset në taracën e shtëpisë së përdoruesit, ofron shpejtësi download-i tërheqëse, që varion nga 120 deri në 500 mb/s, duke e bërë atë një alternativë konkurruese për shërbimet e internetit tradicional në vend.
Megjithatë, çmimet e Starlink janë më të larta në krahasim me shërbimet e fibres optike në qytetet kryesore të Shqipërisë.
Por Starlink është dizenjuar për të shërbyer zonat rurale dhe të largëta, duke filluar nga 425 mijë lekë të vjetra për panelin dhe 65 mijë lekë të vjetra në muaj për pagesën mujore.
Kjo ofron një mundësi të rëndësishme për qytetarët shqiptarë për të pasur akses në internet, edhe në zonat më të izoluara, duke bërë që interneti të jetë në dispozicion kudo që të shkoni.
