Prokuroria e Posaçme ka kërkuar këtë të martë burgim të përjetshëm për Laert Haxhiun, i akuzuar si një nga autorët e masakrës së Lushnjës më 11 shtator të vitit 2017.
Pretenca u lexua në mungesë, nga prokurorja e SPAK Doloreza Musabelliu, gjatë seancës në GJKKO.
Haxhiu akuzohet për “masakrën e Lushnjës”, ngjarje ku në përpjekje për eliminimin fizik të Xhulio Shkurtit, nipit të Aldo Bares, u vranë 2 persona të tjerë dhe u plagosën 2 të tjerë.
Ai u arrestua në muajin Maj të vitit të kaluar në Janinë, ku strehohej prej kohësh, duke përdorur një leje qëndrimi greke të falsifikuar me emrin Mikis Askalidis, 32 vjeç, lindur në Gjeorgji. Prangosja e tij u bë pas informacioneve të marra nga nga policia shqiptare e cila ia ka përcjellë më pas homologeve grekë.
Laert Haxhiu është marrë i pandehur dhe i shpallur në kërkim ndërkombëtar nga GJKKO për masakrën e Lushnjës në 2017, ku vranë Zamir Latifi dhe Jurgen Hoxha, dhe u plagosën dy të tjerë.
Po ashtu, pas dëshmive të Artan (Marjus) Tafanit, Laert Haxhiu akuzohet si autor i vrasjeve të:
