Dinamo do të presë Erzenin për të bërë mes tyre llogaritë e javës së 31-të të Superiores. Sfidë kjo që do të luhet ditën e dielë në orën 18:00.
Një duel mjaft i rëndësishëm për “Blutë”, të cilet do të kërkojnë fitoren për të “blinduar” vendin e 4-të në “Final – Four”. Dritan Mehmeti pas barazimit me Kukësin, tashmë ka kthyer gjithë foksusin te dueli ndaj shijakasve.
Për këtë sfidë i gëzohet rikthimit të dy titullarëve. Gudiaby dhe Zabërgja do të jenë të gatshëm për Mehmetin, me lojtarët që kanë shlyer kështu pezullimin për shkak kartonësh, ndërkohë po për këtë arsye do të mungojë një tjetër titullarë.
Rustem Hoxha u ndëshkua me karton të verdhë në sfidën me Kukësin dhe në këtë mënyrë do të jetë i pezulluar.
Kështu timonieri i “Nëndetëses” duhet të bëjë llogaritë pa kapitenin në sfidën e së dielës, ndërsa duhet të gjejë edhe zëvendësuesin e tij që do të vihet përkrah Behiratches në qendër të mbrojtjes.
