Kryetarja e komisionit hetimor parlamentar për dy koncesionet në shlndetësi; sterilizimin dhe shek Up, Albana Vokshi ka deklaruar se socialistët e kanë detyrim ligjor që të vijnë në komisioni, por po e bojkotojnë pasi duan të mos hetohen aferat.
Vokshi, e ftuar në News24, theksoi se Plarent Ndreca dhe Milva Ekonomi janë në konflikt interesi, teksa shtoi se përfundimet e komisionit për dy koncesionet në shëndetësi do të dërgohen në SPAK.
Ajo tha se Ilir Beqaj nuk duhej të ishte i lirë, pasi sipas saj, ai po prish provat, teksa sipas saj, nuk duhet të jenë të lirë as Vilma Nushi dhe ministrja Ogerta Manastirliu.
“Ligji detyron socialistët të vijnë në Komision. Mosardhja e tyre është shkelje ligji, por është dhe problem moral. Unë zbatoj rregulloren. Plarenc Ndreci ka mbrojtur një person nën hetim nga SPAK. Kemi kërkuar largimin nga Komisioni për Ndrecën dhe Milva Ikonomit. Ndreca merr urdhra nga Rama që të mos hetohen aferat.
Sterilizimi nuk është hetuar sa duhet nga SPAK, por duhet të hetojë më shumë. Përfundimet do ia çojmë SPAK. I pëlqen ose jo maxhorancës, opozita është e vendosur të kryejë hetim për Chek Up, që është administrativ. PS po përpiqet që ta zvarrisë çështjen, që të vonohet çdo gjë dhe të pengohen hetimet. Ilir Beqaj nuk duhet të ishte i lirë, sepse ka prishur prova çdo ditë. Ai vazhdon rri jashtë, ndërkohë që ke Berishën që është në arrest shtëpie. Vazhdon plani për izolimin e Berishës dhe për ta dëmtuar opozitën. Beqaj merr akoma tendera, Vilma Nushi duhet të ishte para drejtësisë, edhe Ogerta Manastirliu”, deklaroi Vokshi.
