Cristiano Ronaldo nuk mundi t’i përmbante nervat në humbjen e skuadrës së tij Al Nassr, me shfrat 1-2 përballë Al Hilal në SuperKupën e Arabisë.
Luzitani goditi me brryl kundërshtarin pak minuta nga fundi i lojës, duke u ndëshkuar menjëherë me kartonin e kuq. Madje, për faj të nervave, Ronaldo rrezikoi edhe një veprim të pahijshëm ndaj arbitrit.
Pas sfidës, trajneri i Al Hilal, Jorge Jesus nuk i kurseu kritikat për bashkëkombasin e tij. Ky fundit theksoi se Ronaldo e humbet toruan në momentet që ndeshja nuk shkon në favorin e tij.
“Ronaldo është një shembull dhe model për një numër të madh futbollistësh në të gjithë botën. Në karrierën e tij ai nuk është mësuar të humbasë dhe është disi natyrale që ta humbasë qetësinë. Bëhet shumë emocional kur humbet ndeshjet”, u shpreh Jesus.
