Mbahet këtë të hënë seanca e radhës në GJKKO për ish-zyrtarin e policisë, Erzen Breçani, i cili ndodhet në burg nën akuzën për pastrim parash.
Gjatë seancës gjyqësore pritet që të merren në pyetje ekspertë të mjekësisë pas aktit të ekspertizës ku rezultoi se Erzen Breçani vuante nga klaustrofobia.
Avokatët e ish-nëndrejtorit të Policisë së Tiranës kanë deklaruar se i rrezikohej jeta në qeli.
Kujtojmë se Breçani u arrestua më 20 nëntor 2023 dhe akuzohet për pastrim parash e përkrahje të autorit të krimit.
Ish-drejtuesi i lartë i policisë u ndalua pas zbardhjes se disa bisedave ne aplikacionin SKY ECC, ku në pranga përfunduan disa persona, mes tyre edhe shefi i hetimit të krimeve Dedan Gjoni.
