Kreu i Grupit Parlamentar të Partisë Demokratike, Gazment Bardhi, ka kundërshtuar këtë të hënë projekligjin “Për karrierën ushtarake në Forcat e Armatosura të Republikës së Shqipërisë”.
Gjatë fjalës së tij në Komisionin e Ligjeve, Bardhi u se shpreh Forcat e Armatosura janë politizuar dhe sipas tij i vetmi kriter për të bërë karrierë në Ushtri është firma për kalimin e pronave tek oligarkët.
Bardhi: “Ne do ta votojmë kundër këtë ligj, sepse nuk garanton që ata të cilët kanë bërë karrierë me ndershmëri. I vetmi kriter për karrierë ne Forcat e Armatosura, ka qenë vetëm firmosja e ndonjë prone për oligarkët. E kemi parë ca ka ndodhur, gradat dhe pozicionet i kanë marrë ata që kanë firmosur prona, i keni bërë gjeneralë e ndonjë prej tyre e keni çuar edhe në presidencë. Pra, ky ligj vetëm për këtë behet.
Ne nuk mund të rrimë pa shprehur shqetësimin , kur shikojmë se në zonat e forcave të armatosura mbillen sipërfaqe të tëra me lënde narkotike. Vlerësojmë çdo oficer karriere, çdo person që ka kontribuar por s’mund të heshtim për politizimin që keni bërë”.
