Ditën e sotme ngre siparin java e 28-të e Kategorisë së Parë. Po sot, do të zhvillohen të gjitha sfidat e kësaj jave, me 12 ekipe që do të zbresin në fushë për të luajtur fatet e tyre.
Apolonia do të presë në shtëpi Vorën, ndërsa Besa e Kavajës udhëton në transfertë përballë Burrelit, me matjanët që kanë treguar se janë ‘kockë’ e fortë në shtëpi. Në krahun tjetër Flamurtari luan në shtëpi përballë Tomorit.
Kastrioti do të përballet me Luzin, ndërsa Korabi do të presë në shtëpi kryesuesit e Elbasanit. Një tjetër sfidë mjaft interesante është ajo mes Lushnjës dhe skuadrës së Bylisit.
Kujtojmë që të gjashta këto sfida do luhen paralel dhe do të startojnë në orën 15:00.
