Kryebashkiaku Veliaj ka habitur me deklaratën e dhënë së fundmi lidhur me skandalin në Bashkinë e Tiranës e njohur ndryshe si afera “5D”.
Në një takim me administratorët e Njësive Administrative të Tiranës, Veliaj tha se drejtorët e tij nuk u arrestuan por shkuan vetë në polici.
Më tej ai hodhi akuza edhe ndaj opozitës, që protestoi sot para bashkisë së Tiranës, duke kërkuar dorëheqjen e tij.
“Ish-kolegët tanë sapo morën vesh lajmin, shkuan vetë në polici. Ne prokurorëve u themi çfarë nevoje ke, s’jemi vonuar një orë, jo një ditë por një orë për çdo dokument. Se ishte shumë kollaj të mos japësh dokumenta, të mos tregohesh bashkëpunues. Super bashkëpunim, kolegët tanë thonë, ku është te cili komisariat duhet të paraqiten që t’i shpjegojë përpara drejtësisë. Ata shkojnë vet, nuk fshihen si skutha dhe nuk marrin gjithë partinë që ti mbrojnë. Ndaj duhet që të gjithë ta mbajmë kokën lartë”- tha mes të tjerash Veliaj.
