Një bombol gazi ka shpërthyer pasditen e kësaj të premte në një banesë në qytetin e Lezhës.
Ngjarja ka ndodhur në lagjen “Besëlidhja”, dhe në momentin e shpërthimit mësohet se kanë qënë në banesë një çift të moshuarish.
Nga shpërthimi ka mbetur i plagosur 70-vjeçari Shtjefen Tushi.
Policia sqaron se Tushi është nisur drejt spitalit për ndihmë mjekësore, ndërsa forcat zjarrfikëse kanë bërë të mundur neutralizimi e flakëve.
“Rreth orës 19:00, në lagjen “Besëlidhja”, Lezhë, në banesën e shtetasit Sh. T. 91 vjeç, ka shpërthyer një bombël gazi (bombël e vogël kafeje), ku si pasojë ka marrë dëmtime të lehta fizike 91-vjeçari, i cili është dërguar në spital për ndihmë mjekësore dhe ndodhet jashtë rrezikut për jetën”,- njofton Policia,.
Grupi hetimor ndodhet në vendngjarje ku vazhdon veprimet hetimore për sqarimin e plotë të rrethanave të rastit.
