Godina “Bar Lulishte Butrinti” në qendër të qytetit të Sarandës, një godinë historike e cila dikur ka qenë dhe konsullatë italiane, u përfshi nga flakët paraditen e kësaj të premte. Zjarr-rënia u regjistrua rreth orës 10:00 dhe sot Saranda nuk kishte as diell të fortë.
Studiuesi Auron Tare u gjend rastësisht aty, si dëshmitar i shkatërrimit të këtij “xhevahirit” historik ku pa me keqardhje të gjithë skenën.
“Pashë si ra zjarri. Reagimi ishte i avashtë. Zjarri fillimisht ra në një godinë të braktisur. Nëse do të ishte ndërhyrë me kohë godina historike e ish konsullatës italiane do të kishte shpëtuar. Unë qëllova si dëshmitar i rënies së fundit të trashëgimisë kulturore monarkike në Sarandë. Nuk ka më. Ky është fundi i një periudhe historike që duhet thënë që është shkatërruar në mënyrë të sukseshshme nga vetë shqiptarët. Unë aty isha e pashë me shumë dhimdje” tha Auron Tare në një intervistë televizive.
Ai thotë me bindje se kemi të bëjmë me një zjarrvënie të qëllimshme.
“Është bërë qëllimisht për të rrëzuar godinën e për të ndërtuar aty më vonë. Është skenë e vrasjes së një monumenti historik që nuk kishte as status mbrojtjës as nga bashkia e as qeveria” tha Autorn Tare.
