Anëtari i Kryesisë së PD-së, Belind Këlliçi,ka sjellë edhe njëherë në vëmendje shpopullimin dhe largimin e të rinjve nga Shqipëria.
Në takimin me demokratët në Vaun e Dejës, të mbajtur pasditen e sotme, Këlliçi i ka cilësuar socialistët si hajdutë, teksa është shprehur se këta të fundit kanë futur duart thellë në xhepat e qytetarëve.
“Sot kemi modelin e drejtuesve lokalë, modelin që instalohet për të vjedhur taksat e qytetarëve, pronat dhe pasuritë e shqiptarëve. Ky është modeli që nisi në Bashkinë e Tiranës, me atë që njihet si ‘5D’, por ky model ndodh kudo ku janë socialistët në krye të bashkisë, apo specialistë sikundër i quante Pjetër Arbnori, që kanë futur duart thellë në xhepat e qytetarëve”, tha Këlliçi.
Ai tha se Gazment Bardhi dokumentoi me dokumente për lidhjet e Olsi Ramës me trafikun e trafikut të drogës.
“Erion Veliaj është i hequr, është çështje kohësh. Por nuk është çështja që ne po e bëjmë këtë për të hequr një qeveri për të ardhur një tjetër, një kryebashkiak për të vënë një tjetër. Por duhet të çrrënjosim një filozofi politike që grabit taksat e qytetarëve, që vjedh pronat e tyre, që po grabisin pasuritë kombëtare”, tha Këlliçi.
