Një shtetas shqiptar është arrestuar nga autoritetet në Spanjë pasi është kapur me drogë. Mediat vendase shkruajnë se shqiptari është kapur duke ruajtur një plantacion brenda të cilit ishin më shumë se 1000 bimë narkotike marijuanë dhe rreth 1500 bimë kanabisi.
Bimët janë sekuestruar bashkë me pajisjet e përdorura për ndriçimin, ngrohjen dhe ajrimin, ndërsa shqiptari identiteti i të cilit ende nuk bëhet me dije është shoqëruar për veprime të mëtejshme proceduriale.
Autoritetet kanë nisur hetimet për pjesëmarrje në këtë veprimtari kriminale të katër personave të tjerë.
