Kreu i Grupit Parlamentar të PD, Gazment Bardhi, ka replikuar seancën e sotme në Kuvend me Ministren e Energjetikës Belinda Balluku.
Bardhi iu drejtua zv/kryeministres duke i thënë se sot “krahun e majtë, Evis Berberin” e ka në burg.
Sipas Bardhit, Berberi është përfshirë në blerjen e votave duke përdorur paratë e buxhetit të shtetit.
Bardhi: “Zonja drejtuese e seancës ju kujdeseni të na kujtoni të flasim për temat e rendit të ditës, nuk di të kemi në rend dite zgjedhjet e Dibrës sot, se po të kemi ato dua t’i kujtoj ministres që e ka krahun e majtë në burg, Evis Berberin që blinte votat derë më derë dhe krahun e djathtë, e ka kandidat për të shoqëruar të parin, që po ashtu blinte votat e dibranëve në zgjedhje. Përqendrohemi te rendi i ditës, se po të jetë për zgjedhjet e vota, kalojmë te ato lekët që nga buxheti i shtetit shkonin te Evis Berberi dhe nga ai te qytetarët e varfër të Dibrës”.