Aktivisti i Lëvizjes Bashkë, Arlind Qori, ka reaguar lidhur me skandalin në Bashkinë e Tiranës dhe arrestimin e drejtorëve të Erjon Veliajt.
Në deklaratën e tij në rrjetin social Facebook, Qori i është referuar deklaratave të Erjon Veliajt para nxënësve të shkollës “Qemal Stafa” gjatë ditës së sotme.
Sipas Qorit, Veliaj mund të flasë budallallëqe mbi konfliktin e nintersit, por nuk mudn të fshehë faktet. Nën hetim, shkruan Qori duhet të jetë edhe Lali Eri, që sipas tij po shpëton si pasojë e mbrojtjes nga shefi i tij i madh.
“Erion Veliaj mund të instrumentalizojë nxënësit e një shkolle.
Mund të bëjë të heshtin shumica e mediave.
Mund të flasë budallallëqe mbi konfliktin e interesit.
Por nuk mund të fshehë faktet se:
Tre drejtorë të Bashkisë së Tiranës, njëkohësisht drejtues politikë të PS, janë në burg për përvetësimin e miliona eurove. Edhe më të shumtë janë drejtorë-partiakët që po hetohen për allishverishe.
Nofka e tij (Lali) përmendet si bashkëpronar i një hoteli në Durrës, të blerë me fitimet e kompanisë së drejtorëve të vet.
Për çdo ditë të kaluar jashtë burgut, ai duhet të falënderojë padronin e tij që, duke e mbrojtur, i shpëton lëkurën vetes”, shkruan Qori.
