Dinamo fitoi minimalisht 1-0 ndaj Teutës në ndeshjen e kampionatit të luajtur në “Air Albania”.
Në “Air Albania” u zhvillua një sfidë mjaft e luftuar nga të dy skuadrat, por në fund u vendos nga një ekzekutim perfekt i Denisson në minutën e 93-të, i cili mori topin nga e majta, hyri drejt qendrës dhe lëshoi një goditje nga distanca, teksa topi i përplas në shtyllën e portës së Vatës, para se të ndalej në rrjetë.
Festë në kampin dinamovit, që merr kështu fitoren e dytë radhazi dhe ngjitet në kuotën e 42 pikëve në vendin e katërt, pozitë që duhet ta ruajë edhe për 7 javët e ardhshme për të marrë pjesë në “Final 4” për titullin kampion.
