Një shpërndarës i lëndëve narkotike është arrestuar nga Policia e Lezhës. Në kuadër të operacionit policor të koduar “Gurra” është vënë në pranga shtetasi Eduard Koka, 45 vjeç, banues në Lezhë.
“Nga kontrolli fizik i kryer ndaj ketij shtetasi në lagjen “Gurra”, Lezhë, shërbimet e Policisë gjetën një sasi lënde narkotike cannabis sativa, të ndarë në doza, të gatshme për shitje.” – thuhet në njoftimin e Policisë.
Ndërkohë, gjatë kontrollit që uniformat blu kanë ushtruar në banesën e 45-vjeçarit në të njëjtën lagje ku u kap, janë gjetur 7 maska, të cilat dyshohet se posedoheshin për qëllime kriminale, dy mjete prerëse (thika) dhe dy përforcues grushti.
Polcia njofton se në drejtimin e Prokurorisë, po punohet për të provuar plotësisht veprimtarinë kriminale. Materialet procedurale i kaluan Prokurorisë së Lezhës për veprime të mëtejshme
