Kreu i LZHK-së, Dashamir Shehi ka dhënë dorëheqjen me daskordësi mes palëve si kreu i grupit parlamentar “Aleanca për Ndryshim”.
Ky vendim i tij vjen pas qëndrimeve të mbajtura kundër pjesës më të madhe të opozitës në Kuvend, ku nuk ka marrë pjesë as në mbledhjet e grupit parlamentar të Partisë Demokratike dhe as në mbledhjet Federatës së Opozitës së Bashkuar. Po ashtu Dashamir Shehi ka mbajtur qëndrime të ndryshme nga opozita edhe në mbledhjet e institucioneve të Kuvendit të Shqipërisë (Konferenca e Kryetarëve etj).
Mësohet se drejtimin e grupit parlamentar “Aleanca për Ndryshim” do ta marrë Agron Duka, i cili është kreu i Partisë Agrare Ambientaliste.
Më herët ky grup parlamentar drejtohej nga Fatmir Mediu. Aleatët kanë rënë dakord që në fillim të sesionit parlamnetar në vitin 2021, që ky grup parlamnetar do të drejtohej nga kryetarët e partive të vogla, përkatësisht për secilin vit; Fatmir Mediu, pasoi me Dashamir Shehun, e tashmë me Agron Dukën dhe më pas me Vangjel Dulen.
Kujtojmë se opozita në Kuvend është e ndarë në tre grupe parlamentare: Grupi i Partisë Demokratike të Shqipërisë; Grupi i Aleancës për Ndryshim; Grupi për Demokraci dhe Integrim.
