Është përfshirë nga flakët një masiv pyjor me dushqe në fshatin Mazhicë të Njësisë Administrative Shupenzë të Bashkisë së Bulqizës.
Zjarri po përhapet me shpejtësi në një sipërfaqe të konsiderueshme me drurë lisi, teksa rrezikon banesat që ndodhen në fshat.
Nuk dihet ende shkaku i zjarrit, teksa kanë qenë banorët ata që kanë njoftuar autoritetet për vatrën e zjarrit.
Deri tani nuk është bërë asgjë për shuarjen e flakëve që po përhapen me shpejtësi të madhe për shkak të erës së fortë.
