Është zbardhur identiteti i të resë shqiptare, e cila u përplas për vdekje nga një automjet, teksa po priste në stacionin e autobusit në Patrida të Verias në Greqi.
Mësohet se viktima është shtetasja Elisa Doka, 20 vjeçe nga Njësia Administrative Tërbuf i Divjakës. Ajo po priste në stacionin e autobusit bashkë me një 68-vjeçare, ku të dyja ndërruan jetë pas përplasjes.
Aksidenti tragjik u regjistrua rreth orës 09:40 të mëngjesit të kësaj të hëne, kur një makinë, e drejtuar nga një 64-vjeçar banues në Naousa, e cila ishte nisur nga Veria për në Naoussa, në lartësinë e stadiumit, ka kaluar në drejtim të kundërt dhe ka rënë në strehën e një stacioni autobusi.
Nga përplasja e fortë, 68-vjeçarja ka “fluturuar” mes pjergullës së një banese ngjitur dhe ka rëbë në çimento të oborrit. Ndërsa, 21-vjeçarja shqiptare është tërhequr zvarrë dhe e ka hedhur rreth 10 metra larg.
Elisa Doka humbi ndjenjat, por nisi të përmendej pasi iu dha ndihma e parë nga stafi mjekësor. 21-vjeçarja u dërgua menjëherë në Spitalin e Verisë, e plagosur rëndë, ku fatkeqësisht humbi jetën pak orë më vonë.
Shoferi 64-vjeçar i makinës ka deklaruar se ndihej keq dhe për këtë dyshohet se ka humbur kontrollin e makinës, duke bërë që ajo të dalë në rrjedhën e kundërt dhe të ketë shkaktuar aksidentin.
Shkaqet e sakta janë duke u hetuar nga Policia Rrugore e Verias. Drejtuesi i mjetit është vënë në pranga dhe ndaj tij rëndojnë akuzat e vrasjes nga pakujdesia.
Sipas mediave greke, shqiptarja kishte shkuar në atë fshat për të vizituar të afërmit e saj.
