Një përleshje mes tre të rinjëve, ku kanë mbetur të tre të plagosur është regjistruar mbrëmjen e kësaj të diele në lagjen “Uznovë”,në dalje të qytetit të Beratit
Burime bëjnë me dije se të rinjtë, pasi kanë gërvishur mjetet e tyre, kanë hapur krahun në anë të rrugës dhe janë konfliktuar fizikisht.
Mësohet se kanë qënë dy vëllezërit Donald dhe Denis Destani, përkatësisht 29 dhe 25-vjeç, ata që pasi kanë zbritur nga mjeti i tyre, kanë thyer me leva xhamat e automjetit tip “Ford Fokus”, me targa “AA 562 CS” të shtetasit Xhuljano Hyraj, 27-vjeç.
Pas kësaj, dy vëllezërit dhe Xhuljano Hyraj janë konfliktuar me thika e leva, derisa kanë ndërhyrë persona të tjerë për t’i ndarë.
Burime nga spitali i Beratit bëjne me dije se Donald Destani ka marrë plagë thike në shpatull, ndërsa Xhuljano Hyraj ka marrë goditje me levë në kokë. Të njëjtat burime konfirmojnë se, të tre të plagosurit janë jashtë rrezikut për jetën.
Mësohet se pas mjekimit, ata do të shoqërohen në komisariatin e Policisë së Beratit, ku do të merren në pyetje në lidhje me ngjarjen, për të zbardhur detajet e plota të konfliktit mes tyre.
Njoftimi i policisë:
Berat/Informacion paraprak
Rreth orës 19:50, në lagjen “Uznovë”, Berat, dyshohet se për motive të dobëta, shtetasit D. D., 28 vjeç dhe D. D., 30 vjeç, (vëllezër), janë konfliktuar fizikisht, kanë goditur me sende të forta dhe u kanë thyer xhamat e mjeteve shtetasve Xh. H., 27 vjeç dhe Xh. K., 24 vjeç, të dy banues në Uznovë, të cilët po marrim mjekim në Spital, pa probleme për jetën.
Shërbimet e Policisë kanë shoqëruar menjëherë në ambjentet e Komisariatit, të dy vëllezërit e përfshirë në konflikt dhe po kryejnë veprimet e mëtejshme procedurale.
Ndërkohë, grupi hetimor vijon punën për sqarimin e plotë të rrethanave të rastit.
