Një shumë prej 11 mijë eurosh të padeklaruara janë sekuestruar në Kakavijë, këtë të shtunë/
Policia bën me dije se shuma e parave i përkiste një 53-vjeçari, i cili u procedua penalisht pasi nuk i kishte deklaruar.
Procedimi ka nisur për shtetasin me iniciale J. Ç., banues në Patos.
“Në dalje të vendit, u kalua për kontroll në vijë të dytë, shtetasi J. Ç., të cilit në çantë i janë gjetur 11 110 euro.
Shuma e parave e padeklaruar nga ky shtetas u sekuestrua në cilësinë e provës materiale.
Në vijim të veprimeve procedurale për këtë rast, specialistët për Hetimin e Krimeve të Drejtorisë Vendore të Kufirit dhe Migracionit Gjirokastër referuan materialet në Prokurori ku nisi procedimi në gjendje të lirë për shtetasin J. Ç., 53 vjeç, banues në Patos”,- njofton Policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
