Në studion e Blendi Fevziut, Kreu i Grupit Parlamentar, Gamend Bardhi vijon të paraqesë prova dhe fakte kundër vallëit të kryeministrit Edi Rama, Olsi Rama.
Bardhi përsëriti sërish faktin se Olsi Rama është përfshirë në dosjen Xibraka dhe se prokuroria ka veçuar çështjen ndaj tij.
Më pas Bardhi tha se ka në dorë fakte dhe këto i ka pasur prej kohësh, madje prej pesë muajsh ato ka dashur t’i thotë në studio por nuk i është dhënë mundësia nga vet Blendi Fevziu për shkak të disa zhvillimeve të tjera.
Bardhi tha se nesër do të dorëzoi në SPAK kallëzimin penal dhe provat kundër Olsi Ramës.
“Për moshën e personit 45 vjeç është hapur një procedim i veçantë. Unë kam të dhënat e sistemit TIMS dhe nuk di që dikujt t’I jepet me zorë automjeti që përdorin kriminelët.
Olsi Rama ka qenë I përfshirë në laboratorin e Xibrakës. Nuk dihet pse nuk është hetuar dhe pse është veçuar çështja. Rama sot po fshihet pas Olsi Ramës. Nuk kam frikë nga asgjë dhe nuk shantazhohem. Unë flas me fakte”, tha Bardhi.
