Kryetari në detyrë i Bashkisë Himarë, Jorgo Goro i arrestuar me urdhër të SPAK, njoftoi dorëheqjen nga posti mesditën e kësaj të mërkure.
Përmes një letre drejtuar Këshillit Bashkiak Himarë, Goro hodhi akuza ndaj kundërshtarit të tij politik në zgjedhjet lokale të 14 majit 2023, Fredi Belerit, i cili e mundi edhe pse pas hekurave. Ai u ndaj edhe të akuzat e ngritura ndaj tij nga Prokuroria e Posaçme, ndërsa vetëcilësohet i pafajshëm.
Sakaq, mësohet se pas ngërcit të krijuar në Bashkinë Himarë me dy kryebashkiakët në burg, drejtimi i bashkisë do t’i kalojë një prej nënkryetarëve.
Më 29 Mars, pritet që të mblidhet këshilli bashkiak dhe të vendosë me votë se cili prej dy nënkryetarëve, Blerina Bala apo Pervin Gjikuria do të drejtojë bashkinë Himarë deri në zgjedhjet e reja. Partia Socialiste ka 13 vota në Këshill ndaj 8 votave të koalicionit opozitar.
