Benjamin Pavard u transferua në verën e vitit 2023 nga Bayern Munich në Itali te Inter për shifrën e 30 milionë eurove.
Francezi duket se po e shijon në maksimum aventurën me zikaltërit ndërsa në një intervistë të fundit, zbuloi edhe arsyen se përse vendosi të largohej pas katër vitesh nga bavarezët.
“Ndoshta nuk jam në momentin më të mirë të jetës sime, por është një moment që e vlerësoj shumë. Arsyeja që u largova nga Bayern ishte se aty nuk luaja si qendërmbrojtës. Tani këtë rol e mbuloj te Inter dhe kam gjithashtu mundësinë për t’u grumbulluar me Francën në Europian falë këtij pozicioni që mbuloj në fushë.
Jam shumë i lumtur te Inter, kam zbuluar një vend fantastik si Italia. Tifozeria këtu është e jashtëzakonshme, është qejf të luash në Itali dhe unë jam shumë i lumtur. A e mendoj veten në Milano për shumë vite? Mendoj se po”, u shpreh Pavard.
