Max Verstappen del në pah në momentin më vendimtar të provave zyrtare dhe merr të tretin “pole-position” për këtë sezon.
Fundjava në Australi në pistën e “Abert Park” në Melbourne nisi nën shenjën e Ferrarit dhe Charles Leclerc, mirëpo në sesionin e tretë të provave zyrtare, tre herë kampioni i botës iu tregoi “targën” rivalëve të tij.
Holandezi ia doli të kryejë një xhiro perfekte, për rekord duke regjistruar kohën 1’15’’915 dhe në garën e së dielës do të niset i pari për të tentuar të tretin sukses për këtë sezon.
Nga ana tjetër, surpriza e Ferrarit ishte Carlos Sainz. Spanjolli që në garën e kaluar mungoi për një operacion në apendesit, u shfaq heroik në provat zyrtare duke regjistruar kohën e dytë më të mirë teksa spostoi në vendin e tretë pilotin tjetër të Redbull, Sergio Perez.
Ndërkohë, nga vendi i tretë do të startojë McLareni i Lando Norris, teksa zhgënjim i madh ishte Charles Leclerc. Piloti i Ferrarit kishtë dhënë sinjale pozitive gjatë provave, por në fund gaboi dhe do të niset vetëm nga vendi i pestë.
Zhgënjyes edhe Lewis Hamilton që do të niset i 11, ndërsa shoku i skuadrës, George Russell do të niset nga vendi i shtatë. Në dhjetëshen e parë u renditen edhe Piastri i gjashti, Tsunoda i teti, Stroll i nënti dhe Alonso i dhjeti.
Renditja e plotë për garën e së dielës në Australi:
- 1. Verstappen (Red Bull) 1’15″915
- 2. Sainz (Ferrari) 1’16″185
- 3. Perez (Red Bull) 1’16″274
- 4. Norris (McLaren) 1’16″315
- 5. Leclerc (Ferrari) 1’16″435
- 6. Piastri (McLaren) 1’16″572
- 7. Russell (Mercedes) 1’16″724
- 8. Tsunoda (Racing Bulls) 1’16″788
- 9. Stroll (Aston Martin) 1’17″072
- 10. Alonso (Aston Martin) 1’17″552
- 11. Hamilton (Mercedes) 1’16″960
- 12. Albon (Williams) 1’17″167
- 13. Bottas (Sauber) 1’17″340
- 14. Magnussen (Haas) 1’17″427
- 15. Ocon (Alpine) 1’17″697
- 16. Hulkenberg (Haas) 1’17″976
- 17. Gasly (Alpine) 1’17″982
- 18. Ricciardo (Racong Bulls) 1’18″085
- 19. Zhou (Sauber) 1’18″188
