Adoleshentët në Belgjikë duhet të votojnë në zgjedhjet e ardhshme evropiane. Kështu ka vendosur Gjykata Kushtetuese e vendit vetëm dhjetë ditë para afatit për t’u regjistruar për votim.
Gjykata Kushtetuese në Belgjikë ka vendosur që 17 dhe 16-vjeçarët duhet të votojnë në zgjedhjet evropiane të 9 qershorit.
Votimi në Belgjikë është i detyrueshëm për të rriturit 18 vjeç e sipër dhe që në rast se nuk e bëjnë, gjobiten.
Megjithatë, ata që ishin nën 18 vjeç ishin përjashtuar më parë nga kërkesa e detyrueshme për të votuar.
Por tani gjykata e vendit e ka pezulluar dispozitën që e bënte të detyrueshme votën vetëm për të rriturit.
Vendimi nënkupton që të rinjtë mund të gjobiten nëse nuk votojnë.
Alain Hutchinson, komisioneri i Brukselit për Evropën, e quajti vendimin “risi”, por kritikoi faktin se u mor vetëm 10 ditë para afatit për t’u regjistruar në listat e votuesve.
