Emri i Zinedine Zidane u bë fakt i kryer rreth kalimit në “timonin” e Bayern Munich, pas njoftimit se bordi i bavarezëve dhe Tomas Tuchel kishin ndarë rrugët në fund të sezonit ekzistues. Megjithatë, mbeti vetëm hipotezë.
Kampionët e Bundesligës e kanë kthyer foksin tek alternativat e tjera, pasi janë në kushte të pafavorshme për të nënshkruar me “Zizun”.
Përvoja fituese e Zidan në krye të Realit, e kurorëzuar me Champions, bëri që Uli Hënes dhe Karl-Hainc Rumenige ta rrisnin manovrën për të bindur 51-vjeçarin.
Prestigjiozja “L’Equipe” i bën jehonë raportimit se Zidane nuk ka në plan të marrë drejtimin e asnjë ekipi apo kombëtareje përveç Francës.
