Kreu i grupit parlamentar të PD-së, Gazment Bardhi, e ka konsideruar si korruptiv vendimin për të financuar 100% nga buxheti i shtetit ndërtimin e portit te ri në Durrës, ndryshe nga çfarë ishte premtuar fillimisht nga Qeveria.
Nga foltorja e Kuvendit, ai e ballafaqoi ministren e Infrastrukturës dhe Energjitikës, Belinda Balluku dhe kryeministrin Edi Rama me katër verisone të ndryshme financimi, të dhena prej tyre në më pak se 1 vit.
“Në atë kohë kur kaloi ligji për portin aktual të Durrësit, u zotuan para Kuvendit dhe nuk ka akt më të rëndë sesa kur qeveria gënjen Kuvendin. U zotuan këtu se për portin e durresit nuk do jepnin asnje qindarkë nga buxheti i shtetit. Sot do paguajnë 400 milion euro” – tha ai.
Bardhi akuzoi Balluku dhe Ramln për krijimin e skemave të korrupsionit me miliona euro, e për këtë, si shembull mori rastin e drejtorit të autoritetit rrugor.
“Këta të dy bëjnë sikur nuk kanë dijeni. Sikur jetojnë në hënë. Këta që kanë një sistem patronazhistësh dhe dinë se çfarë hanë shqiptarët në shtëpinë e tyre dhe nuk dinë se çfarë bëjnë drejtorët e tyre. Vetëm në një procedurë prokurimi, drejtori i autoritetit rrugor kishte vjedhur 1.5 milion euro” – tha deputeti demokrat.
Gjatë kohës që Bardhi po fliste nga foltorja e Kuvendit, ministrja Balluku u largua nga salla pa dhënë përgjigje.
“Ja iku zonja. S’ka lenë sot gjatë gjithë ditës gënjeshtër pa u thënë kolegëve. Kur e dinte se për çfarë do të flitej, u largua” – u shpreh Bardhi
