Një 17-vjeçar shqiptar, është arrestuar nga Policia në Greqi, pasi akuzohet se ka goditur me thikë në bark një 39-vjeçar dhe një 26-vjeçar të dy me origjinë greke.
Ngjarja ka ndodhur mbrëmjen e së dielës, ku sherri i nisur për arsye banale ka degraduar në përdorimin e armëve të ftohta.
Mediat vendase shkruajnë se në ngjarje është përfshirë edhe një tjetër shqiptar, i cili është shpallur në kërkim.
Sakaq dy të plagosurit ndodhen në spital jashtë rrezikut për jetën. Autoritetet vijojnë hetimet për kapjen e shqiptarit tjetër të përfshirë në sherr, si dhe për zbardhjen e plotë të ngjarjes.
