Rreth 260 kilogramë kokainë janë kapur nga autoritetet policore të Sllovenisë në portin e Koperit dhe për pasojë janë arrestuar dy persona, një shtetas shqiptar dhe një brazilian.
Mediat e huaja raportojnë se droga po transportohej me një anije mallrash me sojë që vinte nga Amerika e Jugut.
Dy të arrestuarit mbërritën në port me motor deti përtej lumit Rizana. Ata u vunë re gjatë tentativës për ta nxjerrë kokainën nga valixhet. Nuk dihet identiteti i të arrestuarve.
Sipas medias sllovene, kokaina në tregun e zi kap vlerën e rreth 10 milionë eurove.
