Personi që shihni në fotot e mëposhtme është 30-vjeçari shqiptar Dhurim Shini, i cili humbi jetën në aksidentin tragjik të regjistruar mbrëmjen e së dielës në Via Flacca në Gaeta, zona La Catena, Itali.
Makina tip “Smart” me të cilën po udhëtonte shqiptari, është përplasur me një makinë tjetër në të cilën udhëtonin dy femra, të cilat mbeten të plagosura rëndë. Edhe pse ekipi i emergjencës bëri përpjekje për shpëtimin e të riut, ai nuk mundi t’i mbijetojë plagëve të marra dhe ndërroi jetë.
Makina tjetër që u përfshi në aksident me të cilën udhëtonin dy femra, u dëmtua keq dhe gratë u plagosën rëndë dhe u dërguan në spital.
U raportua se përveç 118 punonjësve të shëndetësisë, në vendngjarje kanë ndërhyrë edhe policia lokale, zjarrfikësit dhe policia rrugore. Rruga u mbyll përkohësisht për qarkullimin për të lejuar ndërhyrjen e shërbimeve emergjente.
Në vitin 2016 Shini u arrestua (në atë kohë ishte 22 vjeç) së bashku me dy djem të tjerë me akuzën e trafikut të drogës. Sipas hetimeve të policisë, i riu ishte bërë pikë referimi për të rinjtë e bashkisë Gaeta dhe Formia në kërkim të kokainës dhe hashashit.
