Leta Koçi është 42-vjeçarja nga Tapiza e Fushë Krujës, e cila mëngjesin e kësaj të hëne hodhi foshnjën e saj të porsalindur në lumin e Tapizës. Mësohet se ajo është e martuar, si dhe ka fëmijë.
Burime bëjnë me dije se, pasi 42-vjeçarja e ka hedhur foshnjën në lumë, të mbështjellë me një qese, ka shkuar vetë në komisariatin e Krujës. Ajo ka rrëfyer aty ngjarjen, ku ka deklaruar se e ka hedhur foshnjën në lumë, pasi pretendonte se ajo kishte lindur e vdekur.
Policia ka nisur kërkimet që paradite në lumin e Tapizës, por foshnja ende nuk është gjetur, pasi dyshohet se e ka marrë rrjedha e ujit.
Kujtojmë se Leta Koçi u arrestua nga Policia e Krujës nën akuzën për veprën penale “Vrasja e foshnjes”.
