Në daljen e tij të radhës para mbështetësve që qëndrojnë çdo natë poshtë ballkonit të banesës, lideri I PD-së Sali Berisha foli për turizmin, duke bërë krahasimet e shifrave të Edi Ramës me ato të para viteve 2013.
Sipas Berishës, Rama mashtron me shifrat dhe se numri I turistëve nga viti 2005 deri në 2013 u rrit 14 herë.
Berisha: Numri i turistëve në Shqipëri nga 310 mijë në vitin 2005, u rrit në 4 milionë e 700 mijë në vitin 2013
Miqtë e mi!
Sot Edi Rama para kupolës së krimit zgjodhi të sfidonte me numrin e turistëve.
Është një agjenci e vlerësimit që quhet Lonely Planet. Në mënyrë të përsëritur në vitin 2011-2012, por jo vetëm ajo, dhe shumë të tjera, vlerësuan Shqipërinë destinacionin e parë turistik.
Turizëm dhe vizitorë në vitet 2005-2013 numri u rrit nga 310 mijë në 4 milionë e 700 mijë. U rrit fiks 14 herë.
Pa na thuaj pak.
Me këtë turizëm i cili ka rrënjë tërësisht në transformimin e infrastrukturës së Shqipërisë dhe përpiqesh ta lidhësh me udhëtimet e tua.
Përpiqesh të mbrosh vjedhjet e tua me ardhjen e turistëve, turp e faqja e zezë.
Na thuaj pak.
Po si ndodh që me turizmin që shpallni 7 apo 8 milionë në tatimet e shtetit kanë hyrë gjithsej 8 milionë euro.
A e imagjinoni miqtë e mi.
I bie pra nga 3 euro për shqiptar.
Po pse, sepse ti noton me gjithçka me klanin tënd në informalitet.
A e dini ju miqtë e mi se sa janë investuar me destinacion turizmin?
Janë investuar sipas tij, por janë vjedhur, 4.2 miliardë.
Po sa janë fituar? E dëgjuat, 8 milionë euro në tatimet e shtetit.
ZYRA E MEDIAS DHE KOMUNIKIMIT, PARTIA DEMOKRATIKE
