McDonald po përjeton probleme teknike me disa klientë në Japoni, MB, Australi, Zelandën e Re, Gjermani dhe Austri, pasi nuk mund të porosisnin ushqim.
Në Mbretërinë e Bashkuar, një pronare e disa pikave McDonald konfirmoi për BBC se një çështje e IT kishte prekur disa nga 21 degët e saj sot në mëngjes.
Sarah McLean, e cila drejton një ekskluzivitet të McDonald në Midlands, tha se menaxherët e zonës së saj kishin pasur një “ndërprerje IT”. McDonald thotë se çështja nuk është e lidhur me sigurinë kibernetike dh epo zgjidhet.
“Ne jemi të vetëdijshëm për një ndërprerje të teknologjisë, e cila ndikoi në restorantet tona, çështja tani është duke u zgjidhur,” tha McDonald’s në një deklaratë. Downdetector, një sistem i përdorur për të monitoruar problemet e IT-së në biznese, vuri në dukje një rritje të problemeve me aplikacionin McDonald’s në Mbretërinë e Bashkuar ditën e sotme.
Disa përdorues të mediave sociale në Mbretërinë e Bashkuar postuan pakënaqësinë e tyre. “@McDonaldsUK pse nuk mund të porosis përmes aplikacionit këtë mëngjes, të gjitha lokale McDonalds janë të mbyllura kur duhet të jenë 24 orë?!” shkroi Tom Bennison në X.
Në Japoni, zinxhiri i ushqimit të shpejtë konfirmoi se kishte një dështim të sistemit dhe u kërkoi klientëve të prisnin që shërbimi të rikthehej. Përdoruesit e mediave sociale janë ankuar gjithashtu për probleme në disa vende, duke përfshirë Kinën dhe Suedinë .
Në një deklaratë për The Guardian, një zëdhënës australian i McDonald’s tha: Ne jemi të vetëdijshëm për një ndërprerje të teknologjisë që ndikon aktualisht në restorantet tona në mbarë vendin dhe po punojmë për ta zgjidhur këtë çështje sa më shpejt të jetë e mundur. McDonald’s në Japoni, i cili operon rreth 3,000 dyqane në vend, tha: Aktualisht ka një dështim të sistemit. Kërkojmë ndjesë për çdo shqetësim që mund të shkaktojë kjo dhe kërkojmë që ju lutemi të prisni pak derisa shërbimi të restaurohet./BBC
