Deputeti Tritan Shehu është prononcuar për mediat, pas përfundimit të mbledhjes së grupit parlamentar të PD-së, ku pati një përplasje verbale me kolegun e tij demokrat Bledjon Nallbati. Shkaku i përplasjes mes tyre ka qenë deklarata e Shehut, ku sipas tij, kërkesa kryesore për negociatat me mazhorancën duhet të jetë lirmi i Sali Berishës nga masa e arrestit, dhe të tjerat nuk duhet të pranohen pa plotësimin e kësaj kërkese.
Në pronocimin për mediat, Shehu tha se nuk mund të quhet sukses marrja e dy komisioneve, por aksioni duhet të koncentrohet tek beteja për të kundërshtuar burgosjen politike të Berishës
“ Kam thënë që edhe nëse jepen komisionet nuk janë suksese, sepse gjendja e situata është përkeqësuar me burgosjen politike të Berishë,. Forma e vijimit të aksionit mund të shikohet. Mos mendojmë se nëse marrim dy komisione marrim suksesin. Suksesin nuk e kemi me PS dhe Ramën por me përkrahjen e elektoratit tonë, sic u pa në protestë. Duhet të koncentrojmë aksionin politik në atë që është më e rëndësishme, izolimin politik të Berishës. Ta bëjmë para ndërkombëtarëve apo kudo mundemi. Beteja jonë duhet të jetë për të kundërshtuar burgosjen e Berishës. Mos fshihemi pas gishtit”, tha ai.
