Dy persona janë arrestuar ditën e sotme në Berat pasi janë kapur duke drejtuar mjetin në gjendje të dehur.
Policia sqaron se në pranga kanë rënë shtetasit me iniciale B. Sh., 43 vjeç, K. GJ., 44 vjeç.
“Specialistët e Sektorit të Qarkullimit Rrugor arrestuan në flagrancë shtetasit B. Sh., 43 vjeç, banues në Kuçovë dhe K. GJ., 44 vjeç, banues në fshatin Kozare, pasi u kapën duke drejtuar automjetet, në gjendje të dehur”,- njofton Policia.
Gjithashtu ka nisur procedimi në gjendje të lirë për një 42-vjeçar pasi ka falsifikuar firmën e një shtetasi për ti marrë atij automjetin.
Specialistët e Seksionit për Hetimin e Krimeve Ekonomiko-Financiare referuan materialet në Prokurori, ku nisi procedimi në gjendje të lirë për shtetasin E. B., 42 vjeç, banues në Kuçovë, pasi dyshohet se ka falsifikuar firmën e një shtetasi, për t’i marrë atij automjetin”,.- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
