Në ndeshjen Bayern-Mainz ndodhi një episod i rrallë. Gjyqtari Patrik Itrish i shpëtoi jetën lojtarit të Mainz, Xhoshua Guilavogui, i cili kishte humbur ndjenjat pas një goditjeje të pavullnetshme me një shok skuadre.
Francezi Guilavogui, pas një përplasjeje me Thomas Muller, bie keq dhe godet me kokë gjurin e shokut të tij të skuadrës.
Përplasja nuk ishte shumë e fortë, por kishte pasoja. Mesfushori rrëzohet në tokë, arbitri e kupton menjëherë se Guilavogui është në telashe, pa ndjenja dhe me gjuhën që i pengon frymëmarrjen.
Kryesori i ndeshjes ndërhyn dhe ia nxjerr gjuhën e kthyer mbrapsht, duke e lejuar të marrë frymë. Lojtari ngrihet dhe pak më pas largohet nga fusha në këmbë.
MOMENTI I NDERHYRJES SE GJYQTARIT
