Cesena ka mposhtur mbrëmjen e sotme me shifrat 2-0 Gubion në Serie C, ku në të dy golat ka qenë protagonist Kristjan Shpendi.
Sulmuesi shqiptar ka shënuar sot golin e 20 në kampionat, ndërsa shërbeu për shokun e skuadrës në golin tjetër.
20-vjeçari dha asistin për golin e Adamos në minutën e 50, ndërsa në të 74-tën ishte ai vetë që e dërgoi topin në rrjetë.
Statistikat e tij në këtë sezon janë të jashtëzakonshme, çka gëzon edhe drejtuesit e Çezenës.
Shpendi pritet të jetë një minierë ari për klubin bardhezi, pasi me golat e shënuar në këtë sezon, ofertat nuk kanë për të munguar në verë.
