Ish-kryeministri, Sali Berisha, është shprehur këtë të diel se Edi Rama i ka bërë gjëmën Shkodrës dhe veriut të Shqipërisë.
Gjatë fjalës së tij në tubimin qytetar, Berisha u shpreh ndër të tjera se Rama është armik i shqiptarëve.
“Çdo ditë del e jep një lajm që po përfundon ura e Kukësit, e cila ka filluar 6 vite më parë.
Shkodrës dhe Veriut, Edi Rama i bëri gjëmën.
Shkodra është qyteti më i braktisur nga qytetet e mëdha të Shqipërisë, ndërkohë që potencialet e Shkodrës nuk i ka asnjë qytet tjetër në Shqipëri, Europë dhe më gjerë.
Nëse ka një qytet me mrekulli historike dhe natyrore është qyteti i Shkodrës, por këtë qytet e bastisën bajrat e Edi Ramës, Bajrat, Gjokët etj”, tha Berisha.
Ish-Kryeministri deklaroi se edhe projektet që po financon në jug të vendit i bën për interesat e tij dhe miqve të tij.
Berisha tha se Edi Rama është një armik i qenies shqiptare, një anti-shqiptar më i egër që ka pasur Shqipëria ndonjëherë, që ka si qëllim të zhbëjë kombin dhe vendin.
