Kryetarja e Kuvendit Lindita Nikolla ka zhvilluar paraditen e sotme një takim me krerët e grupeve parlamentare për negociatat për normalitet të Kuvendit.
Në takimin i cili ka zgjatur mbi 3 orë, kanë marrë pjese Bledi Çuçi, Gazment Bardhi, Dashamir Shehi, Mesila Doda. Nikolla u ka kërkuar kryetareve të grupeve parlamentare që të gjejnë një zgjidhje për krizën parlamentare.
Kreu i Grupit Parlamentar të PD-se, Gazment Bardhi ka kërkuar ngritjen e disa komisioneve hetimore parlamentare, bashkëkryetarin e reformës zgjedhore, si dhe të merren në konsideratë nismat ligjore të propozuara në Kuvend nga deputetët e opozitës.
Mësohet se Bardhi dhe Çuçi kishin retorikë pozitive për bashkëpunim ndërsa mësohet se ka dakordësi që të pranohen 2 komisione hetimore.
Gjithashtu pas takimit me Nikollën mësohet se Bardhi dhe Çuçi do të zhvillojnë një takim kokë më kokë.
