Sipas MeteoAlb qarkullimi i masave ajrore nga veri-verilindja e Europës do të bëjë që territori shqiptar të dominohet nga kthjellime dhe vranësira të shpeshta duke rrezikuar reshje të izoluara dëbore vetëm në skajin Verior të Shqipërisë.
Parashikohet që orët e pasdites të vijojnë më kthjellime të shkurtra dhe vranësira të shpeshta në të gjithë territorin, por më të fokusuara do të jenë në zonat malore përgjatë shtrirjes Lindore. Po ashtu; do të shtohet ndjeshëm lagështira relative në ajër në shumë qytete të Shqipërisë.
Temperaturat e ajrit do të pësojnë rënie në vlerat minimale, por rriten në mesditë duke luhatur vlerat ditore nga -1°C vlera minimale në Ersekë deri në 19°C vlera maksimale e cila pritet në qytetin e Fierit.
Era do të fryjë mesatare në tokë dhe në det duke arritur shpejtësinë 40 km/h nga drejtimi verilindor; për pasojë në brigjet detare do të gjenerohet dallgëzim 3 ballë.
Kosova
Territori i Kosovës përgjatë gjithë të premte; do të jetë me alternime kthjellimesh dhe vranësirash të shpeshta të cilat herë pas-here do të gjenerojnë reshje të izoluara dëbore; kryesisht në zonat veriore dhe veriperëndimore të republikës së Kosovës. Parashikohet që edhe pasditja të vijojë nën ndikimin e
kthjellimeve dhe vranësirave të herë pas hershme, por nuk priten reshje; Temperaturat e ajrit do të pësojnë 2 gradë rënie gjatë mëngjesit, por rriten në mesditë duke luhatur vlerat ditore nga -1°C deri në 13°C.
Era do të fryjë mesatare përgjatë gjithë 24-orëshit duke arritur shpejtësinë maksimale mbi 40 km/h nga drejtimi Juglindor.
Maqedonia e Veriut
Pjesa më e madhe e territorit të RMV parashikohet që të jetë nën dominimin e kushteve të qëndrueshme atmosferike, duke bërë që të ketë mbizotërim të kthjellimeve dhe vranësirave të shpeshta; Më të dukshme vranësirat do të jenë në zonat Lindore dhe Verilindore duke rrezikuar momente me flokë dëbore.
Ndërsa në vijim do të theksohen vranësirat edhe në pjesën tjetër të RMV, por mundësia për reshje është thuajse zero.
Përsa i përket temperaturave të ajrit do të pësojnë një tjetër rënie gjatë vlerave minimale, por maksimalet do të rriten duke luhatur vlerat ditore nga 0°C deri në 16°C.
Ndërkohë parametri i Erës do të jetë kryesisht i lehtë, por hera herës mesatare duke arritur shpejtësinë maksimale deri në 40 km/h nga drejtimi permanent Juglindor.
Europa
Kalimi i një sistemi frontesh nga Atlantiku drejt Perëndimit dhe Jugperëndimit të Europës me ndikim deri në Europën Qendrore; do të sjellë kushte të paqëndrueshme atmosferike në; Ishujt Britanikë, gadishullin Iberik si edhe pjesën më të madhe të Qendrës së kontinentit ku reshjet e dendura të shiut dhe stuhitë e forta të erës do të jenë mjaft problematike.
Po ashtu; me reshje të konsiderueshme dëbore, ngrica dhe erëra të fuqishme do të paraqiten Alpet Europiane, ndërsa nën ndikimin e motit të kthjellët dhe temperaturave relativisht të ulëta do të jenë; gadishulli Skandinav, Europa Lindore dhe pjesërisht rajoni i Ballkanit.
