Ka nsisur seanca e sotme plenare në Kuvend. Me nisjen e fjalës hapëse së nënkryetare së Kuvendit Ermonela Felaj, kanë nisur edhe zhurmueset nga ana e deputetëve të opozitës.
Në rendin e ditës së sotme është futur edhe pr.ligji për investimet strategjike, të cilit i është zgjatuar afati deri në dhjetor 2024. Ky ligj ka hasur kundërshti të mëdha nga opozita, por gjithsesi pritet të kalohet vetëm me votat e mazhorancës siç është vepruar deri tani.
Kujtojmë se deputetët demokratë Flamur Noka, Bledjon Nallbati dhe Saimir Korreshi nuk do marrin pjesë në seancë pasi janë të përjashtuar. Po ashtu, i përjashtuar vijon të jetë edhe deputeti Edi Paloka, i cili ka dënimin më të rëndë pasi dogji rregulloren e Kuvendit.
