Arbër Habili, specialist në Drejtorinë e Përgjithshme të Doganave, është pezulluar nga detyra me vendim të Gjykatës së Tiranës, që gjithashtu ka caktuar ndaj tij masën e sigurimit personal “detyrim paraqitje”.
Masa ndaj 42-vjeçarit është ekzekutuar pasditen e së mërkurës nga seksioni për hetimin e krimit ekonomik në Drejtorinë Vendore të Policisë së Tiranës.
Habili akuzohet për veprën penale “Kontrabandë nga punonjës që lidhen me veprimtarinë doganore”.
Sipas hetimeve, Arbër Halili, nën ushtrimin e detyrës si specialist në Drejtorinë e Mbrojtjes së Pronësisë Industriale (në Drejtorinë e Përgjithshme të Doganave), ka kryer veprime në kundërshtim me ligjin dhe në dëm të shoqërisë “R.M.” sh.k.p.
Burime policore thanë se bëhet fjalë për një rast kontrabande në dëm të kompanisë në fjalë.
