Një person ka humbur jetën në Vlorë këtë të mërkurë, pasi banesa ku jetonte është përfshirë nga flakët.
Burime policore thanë se viktima është një i moshuar i paralizuar.
Dyshimet paraprake të policisë janë se flakët në banesën private në zonën e ish-kapeles janë shkaktuar si pasojë e një shkëndije elektrike.
“Rreth orës 11:35, në lagjen ‘Osman Haxhiu’, dyshohet se aksidentalisht ka rënë zjarr në banesën e shtetasit Th.L., rreth 70 vjeç, (tetraplegjik), i cili për shkak të dëmtimeve të shkaktuara nga flakët, ka humbur jetën, brenda në banesë. Grupi hetimor po punon për përcaktimin e shkakut të rënies së zjarrit”, njoftoi zyrtarisht policia.
