Gazetari Klodian Tomorri duke folur në “MCN Economy” mbi skemat e grabitjes përmes mikrokredive, tha që problemi ka nisur që kur kompanitë e mikrokredive u licencuan për të dhënë kredi.
Tomorri tha që i gjithë ky mal abuzimesh nuk mund të realizohej pa Bankën e Shqipërisë, e cila nuk ndërhyri për 6 vite dhe flirtoi me këto kompani.
Gazetari vë në dukje se është shkelur ligji, ndërkohë Prokuroria s’i jep drejtim çështjes. Tomorri tha që ky nuk është thjesht abuzimi i një kompanie, por një abuzim që ndodh me bekimin e plotë të Bankës së Shqipërisë dhe Prokurorisë.
LEXO EDHE:
Banka e Shqipërisë mbron abuzimet skandaloze të Micro Credit Albania
Micro Credit Albania/ Mashtrim i madh me kreditë e këqija
“Problemi nuk është te shitja e kredive, është normale që bankat të shesin kredi, sepse këto kanë qenë kredi kryesisht të vogla dhe një bankë nuk mund të dedikojë burime njerëzore që të rri pas këtyre borxheve. E ka më të kollaj që t’i shesë te një kompani qoftë edhe me ulje të mëdha çmimi. Shumica janë shitur me 10 për qind të vlerës. Deri këtu është në rregull, është një treg normal. Problemi në rastin tonë ka qenë që këto kompani të mbledhjes së borxheve, pasi u licencuan për aktivitetin, në vitin 2016 pati një ndryshim të rregullores, iu njoh e drejta që të jepnin edhe vet kredi. Kjo futi spiralen të abuzimeve. Sepse çfarë ndodhte, nëse kishe një kredi të pashlyer 100 mijë lekë në bankë, dhe banka ia kishte shitur kompanisë së mikrokredisë, kompania thoshte hajde të japë edhe një kredi tjetër, dhe filloi spiralja e borxhit mbi borxh. Në finale fare kaloi në marrjen e pronave të qytetarëve përmes ankandeve, pa i njoftuar ato.
E gjithë kjo skemë, ky mal abuzimesh, nuk mund të realizohet pa Bankën e Shqipërisë. Kur banka e shet kredinë te kompania e mbledhjes së borxheve, huamarrësi s’ka më punë me bankën. Është kompania e mbledhjes së borxheve që i thotë qytetarit, kredinë e kemi blerë ne, dhe tashmë keni punë me ne. Nuk mund të sekuestrosh më shumë se shuma e detyrimit, është në ligj ajo, ata që e kanë bërë kanë shkelur ligjin. Është rregull që s’mund të konfiskosh më shumë se shuma e debisë. Këtu është shkelur ligji. Banka e Shqipërisë ligjërisht ka detyrën e mbikëqyrjes dhe rregullatorit të tregut financiar. Por roli ka qenë ai i flirtimi të pakuptimtë.
Ka kallëzim për kompaninë që flasim për skemë mashtrimi nga vet qeveria, Ministria e Drejtësisë është bindur që këta janë një bandë që përmes praktikave të paligjshme dhe skemave mashtruese kanë grabitur njerëz. Prokuroria ka 4 vjet që s’i jep drejtim çështjesh, që është një skandal i ri. Kallëzimi është bërë në 2017-ën. Ishte shteti që e ngriti alarmin, BSH nuk ndërhyri, u detyrua të ndërhyjë në tetor të 2022. Kur qeveria bënte kallëzim në Prokurori, institucioni tjetër pse duhet të priste 6 vjet për të ndërhyrë. I pezulloi licencën për mosdhënien e kredive të reja. Si mund të lësh të njëjtën masë ndëshkuese për të njëjtën skemë të përsëritur, kur i ke lënë një afat 1-vjeçar.
Arsyet pse Banka e Shqipërisë s’ka vullnet nuk di t’i them. Ose më saktë s’kam prova, por më shkon mendja. Qeveria e pranon që ky është aktivitet mafioz, Banka e Shqipërisë e pranon që ka shkelje masive dhe vazhdon sikur s’ka ndodhur asgjë. Ka edhe informacione që administratorja e njërës prej kompanive tashmë ka ikur, pra është arratisur, pasi janë bërë gjithë këto historira. E gjtha kjo është një skemë e kanosjes, tjetërsimit dhe shantazhit të paligjshëm për zhvatjen e qytetarëve. Këtë e pranojnë të gjitha institucionet, por s’vepron askush. Ky nuk është thjesht abuzimi i një kompanie, ky është abuzim që ndodh me bekimin e plotë të institucioneve publike, në rastin konkret të Bankës së Shqipërisë dhe Prokurorisë.” – tha gazetari.
