Një aksident automobilistik është regjistruar mbrëmjen e kësaj të mërkure, rreth orës 19:20, në aksin rrugor Shkodër-Lezhë.
Autoritetet policore raportojnë se automjeti me drejtues shtetasin M. M., 28 vjeç, është përplasur me motorin me drejtues shtetasin M. Q., rreth 51 vjeç.
Si pasojë e aksidentit ka mbetur i plagosur 51-vjeçari, i cili është transportuar në spitalin e Shkodrës dhe jashtë rrezikut për jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
