Kryetari i Partisë së Lirisë, Ilir Meta, në një konferencës për mediat, u pyet për gjyqin ndaj kryebashkiakut të zgjedhur të Himarës, Fredi Beleri. Meta tha se çështja Beleri nuk është një problem mes Shqipërisë dhe Greqisë, por është një problem i mungesës së demokracisë brenda vendit.
Meta shprehet se asgjë nuk e pengon Belerin të betohet edhe pse në kushtet e rrëmbimit nga shteti.
Sa i takon faktit se çështja Beleri, po bëhet pengesë për procesin e integrimit të Shqipërisë në BE, Meta e mohoi duke thënë se është Rama ai që e ka bllokuar procesin.
Meta: Çeshtja Beleri nuk është problem mes Shqipërisë dhe Greqisë, por një problem skandaloz i vetë mungesës së demokracisë në Shqipëri dhe është treguesi me flagrant i kapjes së shtetit dhe përdorim kriminal të tij nga kryeministri dhe qeveria, që nga policia, që nga prokuroria, gjykatat dhe cdo element tjetër. Qe nga përdorimi i dëshmitarëve të rremë dhe po ashtu bllokimi i betimit të tij është anti-kushtetues. Asgjë nuk e pengon Belerin për të bërë betimin edhe pse në kushtet e një rrëmbimi mafioz nga policia e Edi Ramës
Pengesë për Integrimin në BE?
Meta: Nuk është çështja Beleri ajo që ka vonuar integrimin e Shqipërisë në BE. U bë kohë që integrimi mbahet peng nga ky kryeministër. Ishte e tmerrshme kur dëgjoja kryeministrin që thoshte jemi shembull në raport me integrimin edhe në raport me Serbinë dhe Malin e Zi.
