Pamjet që shihni më lart vijnë nga kati i shtatë i një apartamenti në Durrës, nga ku ra një vajzë 3-vjeçare mbrëmjen e kësaj të marte.
Ngjarja u regjistrua rreth orës 20:07 në lagjen nr. 13 ndërsa vogëlushja ka marrë lëndime të shumta dhe është në gjendje të rëndë shëndetësore. Në fillim u raportua se 3-vjeçarja u dërgua në spitalin rajonal të Durrësit ndërsa tani mësohet se është nisur drejt spitalit të Traumës në Tiranë.
Mbetet ende e paqartë se si vogëlushja ka rënë nga ballkoni i apartamentit ku ndodhej së bashku me prindërit e saj.
Sakaq grupi hetimor po punon për sqarimin dhe dokumentimin me prova ligjore të rrethanave të ngjarjes.
